吳岱融呻戲份少唔夠過癮

藝人吳岱融在《廉》片中飾演機心極重的辯護律師，雖只跟劉青雲合演監聽室和法庭兩場戲，但足以令他興奮：「麥兆輝、莊文強呢個係好有誠意嘅製作班底，仲可以見番劉青雲、駱應鈞、方中信呢啲好朋友，真係好開心！對我嚟講係好開始，因為我少拍電影，當年我同青雲喺無綫已認識，但冇合作過，今次同呢位實力派演員合作，見識到佢喺多種戲上面嘅處理方法。」
吳岱融飾演機心極重的辯護律師，手到拿來。
吳岱融飾演機心極重的辯護律師，手到拿來。

至於與麥導合作，他大讚對方每一環都好細緻，尤其在音效上，足見其匠心：「我哋現場收音，但麥導係會重新做過配音，音效都好有心機做，我相信其他演員都係全部重新配音，出嚟嘅效果好好多。（想演續集？）其實戲中我墮樓死咗，之後仲有冇機會演出續集就唔知，但都好期待，因為今次戲份唔多，所以唔夠過癮！」

吳岱融和青雲早於無綫時代已認識。
  • 吳岱融和青雲早於無綫時代已認識。