馮盈盈何廣沛抵到貼地平靚正搶客
無綫藝員何廣沛與馮盈盈去年在無綫《萬千星輝頒獎典禮》分別奪「飛躍進步男、女藝員」獎，努力與進步備受肯定。踏入豬年，二人腳步未敢放慢，鞭策自己操弗Body。最近日日做Gym的何廣沛透露：「二月會同龔嘉欣去陽光與海灘嘅地方拍旅遊節目，少不免騷吓Body，自己一向密實，希望『大解放』畀觀眾睇到另一面。」又稱一日三餐吃得規律，新年亦不敢放肆大吃。盈盈則笑言「食住減」：「依家開工前會去跑步，今年目標練出腹肌，所以唔好咁為食，食少啲都係幾大挑戰。」
拖累拍檔匿埋喊
他們異口同聲表示得獎後沒有加價，實行以「平靚正」搶客，何廣沛笑說：「近排工作多咗，但價錢照舊，加價驚啲人搵盈盈唔搵我，哈哈。」而盈盈亦笑言身價「抵到貼地」：「我個價已經平絕整個市場，冇人夠我平！」
盈盈希望做出成績，不讓外界質疑攞獎，何廣沛即說：「你值嘅，我同你合作《白色強人》，睇到你努力。」盈盈則擦鞋說：「因為對手係你，我先有咁大進步。」何廣沛沒好氣笑說：「得喇！盈盈呢類對手我遇過唔少，已經有抗體。」不過盈盈坦言拍攝《白》劇時經驗尚淺，有時覺得拖累拍檔，試過回家匿埋爆喊。
場地：港威酒店 Three On Canton