現年28歲的奧斯卡金像影后珍妮花羅倫絲（Jennifer Lawrence）早前與33歲有錢男友Cooke Maroney於紐約拍拖，女方手上戴着巨型鑽戒，發言人承認已訂婚！
珍妮花與任職藝術館總監的Cooke由去年春季開始拍拖，雖然兩人對戀情保持低調，但不時被拍得外出煙韌，非常甜蜜。拍拖約一年的兩人，關係終於更進一步，珍妮花與Cooke早前在紐約一間餐廳約會，女方手上被發現戴有巨型鑽戒！
據知情者透露：「粒石好巨型！佢哋似係慶祝緊（訂婚），啲人亦講緊呢單嘢，隻戒指非常之覺眼。當時佢哋坐喺角落，佢（珍妮花）着住件有白波點嘅可愛黑裙。」有傳媒向珍妮花方面查詢，發言人承認兩人已經訂婚，可喜可賀！珍妮花新片《變種特攻：黑鳳凰》（Dark Phoenix）將於今年6月上映，之後未有安排新工作，未知是否準備嫁人專心做人妻？
與Cooke拍拖前，珍妮花對圈中人情有獨鍾，先後與29歲英國男星尼古拉斯霍特（Nicholas Hoult）以及49歲導演Darren Aronofsky拍拖。