范振鋒李思欣大機會生豬B
藝人范振鋒與李思欣齊齊祝讀者豬年行好運，思欣坦言每逢新年都會為老公及自己準備由內到外的新衫，寓意「新的一年，新的開始」：「本來自己都冇呢啲，但老公屋企傳統有做開，所以嫁咗畀佢之後，我每年都會做，務求做一名真正嘅賢內助。」
回顧去年，思欣與振鋒的收入都好滿意，思欣坦言：「希望豬年繼續行運，繼續多啲工作，有多啲唔同類型嘅Job，幕前又好、幕後嘅都好，賺多啲錢。」而振鋒希望身體健康，最大目標是置業：「唔需要一間好貴嘅豪宅，但上咗車做業主先啦！而自己公司都希望開多啲正能量嘅電影。」問到二人會否趕追豬B？思欣笑說：「李居明師傅講過今年機會會大啲，睇吓啦！我哋兩個都鍾意小朋友，但順其自然啦！」