吳浩康開騷 父子攬住喊
歌手吳浩康（Deep）早前在澳門百老匯舞台開其首個澳門騷《Deep Night Show - One Night in Macau 2019》，他緊張又開心，自言狀態不太穩定，一直視澳門為第二個基地，故能夠開騷別具意義。他邀來小肥擔任嘉賓，家人及不少好友專程捧場，他一見爸爸在台下，即忍不住喊到變豬頭。
唱到《兒戲》時，他大表感觸：「有好大段時間唱歌範圍只係喺屋企，但我永遠都有一個最好嘅觀眾，永遠都有一個人生最好嘅夥伴，對我最大嘅包容，冇佢根本冇我，我爸爸！」之後他走落台攬實台下的吳父，邊喊邊說：「Show前我將啲壓力轉嫁咗喺爸爸度，所以見到佢，好百感交集。」演唱期間發生字幕機出錯歌詞的蝦碌事件，他笑言被考起，視為「考試、考牌」一樣，考自己的記憶力及應變，幸都能應付。
