柏豪Ready做爸爸
「男神」周柏豪以大師兄身份率領「七美」師妹連詩雅（Shiga）、鄭融、梁諾妍（Inez）、黎紀君、模特兒林婷、陳穎妮及邢慧敏食開年飯，他們坦言公司像大家庭，過時過節生日都會聚在一起，感覺好熱鬧，老闆每年都會封大利是給他們，柏豪笑說：「紙幣嚟講都最盡。」看到好意頭的菜式，他們都放縱地食，Shiga笑說：「我哋食得多過柏豪，佢長期練肌肉，好節制，我哋曳過佢會偷食。」
肖鼠的柏豪表示相士指他今年各方面都非常好，只是叮囑他留意眼睛及心臟問題，至於生豬仔就順其自然，如果有小朋友就會放慢工作：「暫時都係側重工作先，同太太有默契，覺得要有咪有囉，我冇話抗拒。」
鄭融唔嫁住
去年加盟星夢的Shiga笑言認識了很多新同事，對於吳若希跟菊梓喬傳爭「一姐」，她笑說：「我諗都冇諗過不和嘢，每間公司都會有呢樣嘢，我唔會認真或睇重呢樣嘢。」並指初出道時很多網民對她有意見，當時好在意：「依家睇化咗好多。」而鄭融與外籍男友感情穩定，但今年冇打算結婚：「我覺得結婚唔係隨住潮流，都係一個緣分時間。」跟洪永城蜜運中的Inez則笑說：「開心囉！」至於去年開蛋糕店的黎紀君直認生意不錯，一直有跟老師學唱歌的她更會推出新歌。
場地：張公館