林淑敏拒許家傑拜年：畀我抖吓啦！

林淑敏（Mandy）與許家傑炮製愛的盆菜，期間你一啖我一啖，延續《愛》劇的纏綿。講到新春向另一半的家人拜年有何攻略，Mandy坦言送禮是其次，最緊要行「老爺奶奶」政策：「我反而唔主張買餅同朱古力畀老人家，拎個心出嚟對人先最重要！」例如打麻雀鬆章，最緊要識做！

至於高大靚仔的許家傑則笑言靠樣搵食，實行以靚仔樣冧掂未來外父外母：「男仔最緊要係Gel番個頭，如果好冇精神、頭髮又亂走去拜年，長輩會覺得好唔受尊重！」其次是斟茶、講恭喜說話𢭃利是、幫手執頭執尾，統統缺一不可，最緊要氹到長輩開心！

「大小姐」親手餵「送水輝」，So Sweet！

想向林淑敏拜年（豆）利是？睇嚟許家傑要加把勁！

派利是唔手軟

談及去年二人異口同聲表示多了工作機會，Mandy更憑「大小姐」一角在《萬千星輝頒獎典禮2018》奪得「最佳女配角」，問到今年派利是會否重手？她笑說：「收入係比去年多咗少少，但可以再多少少，派利是平時都多，希望可以維持水平，都會守傳統派到年十五。」

肖豬的許家傑，今年犯太歲，決定派五位數字利是，笑言當作破財消災：「今年入行十周年，想試吓派利是，雖然唔係好多錢，因為搵得唔多。」他更即場約Mandy拜年，豈料遭到拒絕：「唔可以，我唔會得閒，平時仲見唔夠呀？大佬畀我抖吓啦！」場面搞笑！

場地：城寨風味