許廷鏗Keep住吸引異性
歌手許廷鏗新一年將首次踏上紅館開騷，農曆新年也沒有假放，食過開年飯後就要排練演唱會。為食的他笑言為了個唱要戒口：「我哋祖傳有個潮州炸蝦丸特別好食，過農曆新年喉嚨痛都會食，今年係第一年要忍口。（之後食番補數？）可能會！未開騷已經諗緊慶功。」
單身的他表示去拜年時親戚沒有催婚，可能他排行最細，笑言都要開始諗諗：「佢哋會唔覺意咁滲吓催我拍拖，話係時候識番個女仔，唉，有先得o架！（因為已經30歲？）係囉，異性緣吸引力指數係停緊，可能遲啲會慢慢下滑，我希望Keep住心境年輕，開心自然容易搵到伴侶。」