張秀文求攣變直

張秀文希望新一年由攣變直……指自己嘅脊椎咋！

張秀文、梁嘉琪、張寶兒和鄺潔楹（Judy）四位「是非精」各自有新年願望，但以秀文的最為「騎呢」，她說：「新一年希望想啲骨愈嚟愈正！因為狗年發現自己有脊椎側彎之後，除咗腰痛，仲影響到盤骨大腿個關節、同膝蓋關節，都有歪嘅情況同經常會痛，影響工作及運動，所以希望全身骨頭可以執番正啲！」Judy雖是資歷最淺卻最進取：「好想喺新一年有新挑戰，除咗做節目，我都好想拍劇，當然想身體強壯，要應付工作，一定要有強健體魄！」

張寶兒紅噹噹煎年糕

問到新年有何難忘事？曾在英國讀書的寶兒表示會攞好意頭：「我會着到紅噹噹煎年糕，又會去唐人街睇舞獅巡遊，仲會燒炮仗，真係好熱鬧！依家入咗TVB，就跟同事一齊工作中度過，從來唔會寂寞！」而嘉琪很懷念婆婆整的賀年「油角」：「佢身體唔好，依家冇整喇，但喺街從來都食唔番咁好味嘅油角，呢種味道永留心中！希望新一年全家都身體健康！」

四隻「是非精」爭搶大利是攞頭彩！

張寶兒與同事開工過新年，不愁寂寞。