林嘉欣同青雲鬥戲 未夠喉
影帝劉青雲、張家輝夥拍影后林嘉欣主演的英皇賀歲鉅獻《廉政風雲 煙幕》，昨日大年初一在港首日公映，掀起「搶票潮」，《廉》片先拔頭籌開畫首日勁收350萬，成為賀歲檔中、西票房冠軍！青雲獲悉後驚喜不已，感謝大家支持，而嘉欣與他鬥戲直認未夠喉。
英皇賀歲鉅獻《廉政風雲 煙幕》全城引頸以待，電影昨日在港首日上映，戲院即出現搶票人龍，全日售票情況理想，不少場次全場爆滿，其他場次亦近乎爆滿或僅餘單丁位置，盛況空前，可謂一票難求。全日票房累積逾350萬港元，成為單日中、西電影票房冠軍！
Fans同海報自拍
主角劉青雲獲悉消息後驚喜不已，他說：「套戲開畫成績咁好當然好興奮，好多謝大家支持，順道祝各位觀眾新年快樂、萬事如意、身體健康。」不少戲迷對《廉》片相當支持，連電影院內的宣傳板及三位主角的海報、宣傳照也不放過，爭相合照留念，受歡迎程度爆燈，氣勢一時無兩！
家輝唔想拍另一半
另外，三位主角接受東網節目《娛場》訪問時，談到此戲不乏沉重場口，演出時壓力甚大，要高度集中精神。嘉欣更自爆與青雲的對手戲份不夠：「我對住家輝一個月，對到飽晒，但同青雲只得三日戲，覺得唔係好夠，可以再玩多啲。」由於三人的另一半均是圈中人，嘉欣直認喜歡與導演老公袁劍偉合作，可以擦出更多火花。惟家輝和青雲大唱反調，覺得身份會變得複雜及有所顧慮，家輝說：「做嘢要同佢講嘢，返到屋企又要講嘢，算數啦！」青雲則說：「拍完戲我原本可以收工，但如果佢未拍完變咗又未收得，咁我咪又要等埋佢？」