何佩瑜謝絕桃花 狂窒「師兄」陳家樂
英皇藝人陳家樂、何佩瑜（Jeana）齊食開年飯，當然少不免傳統賀年菜「撈起」，近月簽約成為家樂「師妹」的Jeana竟大膽向師兄挑機，將近日家樂被影到與陳瀅結伴遊日的緋聞擺上枱說：「乜你嘅願望唔係可以去多幾次旅行咩？」令家樂頓時語塞，不懂反駁，差點要幫Jeana「提早開年」﹗
以往Jeana「桃花」車輪轉，但自從與前男友導演翁子光分手後，突然謝絕桃花，踏入豬年更立誓以工作為重，家樂對Jeana讚不絕口：「佢雖然演齡及年紀都細過我，但佢好識照顧人。去年同佢拍咗兩套戲，佢會拎自己整嘅好嘢返嚟請大家食。」
談到過年習俗，家樂表示：「我每年都會幫媽咪入利是，佢仲會幫我換埋錢，等我準備利是畀同事，不過今年佢叫我自己搞掂，話唔肯墊支，因為知我要『加碼』！」