阿嬌想生幸運b

鍾欣潼率領師弟妹關智斌（Kenny）、洪卓立（Ken）及曾樂彤炮製「翻糖全盒」，除了糖果還有可愛豬仔及桔仔，祝大家豬年大吉大利！四人製作期間不時互相整蠱，Ken整到曾樂彤的桔仔變「柿餅」。大功告成後，今年首度派結婚利是的賴太即大派利是，引發一場同門爭奪戰！

問到阿嬌心情是否很興奮？她笑言：「冇呀，因為要派雙份，不過OK嘅，大家收利是嗰一刻好開心。」嫁了台灣老公賴弘國的她自爆有意派台幣：「平時我最平嗰封係50蚊，如果雙份20蚊好似唔係幾好，但雙份100台幣，意頭係咪幾好呢？我依家要持家，有老公要慳錢吖嘛！」

夫婦倆春節會去度蜜月，之後回台灣向老爺奶奶拜年，曾說過兩年會生B的她指今年生都不是壞事：「覺得豬仔幾幸運。（咁度蜜月要努力？）隨緣啦，順其自然。」

放大圖片	四位同門一齊炮製「翻糖全盒」。

Kenny為洪卓立做紅娘

有意隨阿嬌到台灣的Kenny說：「婚禮之後同佢老公Friend咗，佢老公話帶我一齊玩。」笑言約同單身的Ken同行，給他介紹台灣辣妹，Ken即說：「新年都係同屋企人親戚食飯。（親戚會唔會問你感情事？）從來都冇喎，我會即刻走唔理佢，依家唔係問我幾時結婚呀嘛？」其後大家聯手「攻擊」正與游學修拍拖的曾樂彤，又追問她會否去男方屋企拜年見家長？她口窒窒說會去嫲嫲及老闆楊受成家中拜年。

場地：Pandora Cake Shop

鍾欣潼服裝：self-portrait、Lane Crawford

關智斌服裝：Lane Crawford