杜如風新春做魚腩輸到寫欠單
藝人李家鼎、譚玉瑛、丁子朗與「旅遊達人」杜如風昨日出席賀年節目《阿爺賀歲攻略》記者會，杜如風以紅色連身裙上陣似足利是封，並穿上6吋高踭鞋，期間幾度失平衡，需要拍檔扶實才企得穩。她笑言在節目上不用下廚，只負責食：「如果唔係，廚房會爆炸！」
花巿搵男人
提到新年，杜如風表示不會出埠，打算留港與親友賭錢，問到是否女賭神，她坦言只是「魚腩」：「玩射龍門就輸得最甘！有次輸咗萬八，玩到冇現金，要手寫欠單！我有個朵係『地獄黑仔王』，所以啲朋友好鍾意搵我賭。我打麻雀又輸，但冇所謂，因為我哋唔會分錢，志在打。」至於新一年會否渴望有桃花，她稱日日都想，獲建議到花巿買桃花時笑說：「我要去花巿搵男人！我冇發巿好耐，已經變參茸海味。」
另外，李家鼎被問到《阿爺廚房》有好成績會否添食，他表示由公司決定，但自己即將拍劇。談到新年，他笑言要睡個夠，譚玉瑛則會到英國及冰島旅行。
