莫家淦背妻攬女有私心

藝人莫家淦（Keith）的品牌生意搞得有聲有色，親力親為的他近日更擔任模特兒拍攝宣傳照，換足四個造型Chok到盡上陣，笑言今次原來另有私心：「以往影得手錶廣告嘅都唔簡單，通常係古天樂、黃曉明同郭富城呢啲一線型男，雖然今次只係自己品牌，但有機會掹車邊同佢哋睇齊，我都已經好開心。」提到繼上次拍攝《無可替代》MV後，再次「公然攬女」與模特兒有親密動作，他笑指要「一雪前恥」：「上次拍MV畀老婆嫌我太生硬，所以今次真係豁出去，超級投入希望會有情侶Feel，但可惜對手高大過我，有幾個Pose要企喺增高箱上面先影到！」