陳自瑤王浩信拍劇各自忙
藝人陳自瑤（YoYo）昨日出席活動，與大廚示範煎蘿蔔糕秘訣，她表示最愛蘿蔔糕，但因為忙於開兩套劇，沒時間親自炮製。提到農曆新年將至，據知老公王浩信亦在拍劇，豈不是沒時間陪女兒？她說：「咁我開工都唔係開24小時，阿女返學返朝早，夜晚都陪到佢食飯。（老公呢？）佢都真係冇時間。」問到會否趁新年約朋友在家中舉行派對？YoYo說：「朋友都有問，但要睇時間夾唔夾到，因為初一、二都係陪家人。」
提到早前有傳兩夫妻已離婚，她表示：「上次開工大家嚟探班都問咗，亦回應晒，唔再回應啦。（趁新年一家出動闢謠？）係呀，新年都係食吓團年飯，休息吓，去拜吓年。（老公應該初一、二都唔使開工？）所以都係得嗰幾日，去唔到旅行。（阿女會唔開心？）咁我一有時間，如果阿女又放假，都會去旅行嘅。」
