藝人余香凝、黃德斌、江美儀和胡子彤昨日出席動畫首映禮。講到新年，余香凝表示很忙，因為要盡快處理左邊眉下的大瘡：「已經成個月，諗住呢排新年搵醫生搞掂佢，好驚要開刀。」又大呻：「最唔開心係之前拍《飛虎之雷霆極戰》最後一日嘅戲，全日都係我嘅戲份，點知全部大頭都有呢粒瘡，吳卓羲同我做對手戲時仲要望住粒瘡，好衰。」
她又呻拍《飛》一場動作戲沒有塞棉花，搞到一邊耳仔現時聽電話有怪聲。身體毛病多多，難怪她指沒時間理會與保險才俊Victor的緋聞。
