蔡思貝「得罪人」被胡椒噴霧射眼
藝人楊明、蔡思貝和張達倫等昨日一身警察制服拍攝無綫電視電影《警察故事》，楊明和蔡思貝早前嘗試被胡椒噴霧噴的滋味，楊明說：「因為每個受訓嘅PTU都要親身去體驗胡椒噴霧，我同思貝都想去試，監製都好支持，不過有警員叫我哋三思，因為好辛苦，唔係普通人頂得到，但我哋好想去感受警察嘅辛酸。」
他自言算好彩，因為只噴在額頭，但已經非常「乸」眼，似有好多支辣椒油倒在臉上，但他就笑思貝「得罪人」，思貝說：「我嗰個噴得好正，射正喺我對眼，我用盡力先可以睜大眼，覺得好麻痹，而且呼吸困難，就好似畀人套咗金剛圈咁，啲師兄師姐話過30分鐘就冇事，不過我到第二日仲係眼腫同眼紅，我都如常拍攝，但要滴眼藥水。」
張達倫則為演繹沙展角色而剪髮及操體能，他笑言有時在家中也會警察上身：「個背會挺得好直，對囝囝軍訓咁，叫佢行快兩步，哈哈！」