李施嬅連環「勾佬」：未試過咁姣

演員李施嬅、王子涵、文凱玲、陳雅思與監製王晶昨日在深水埗為無綫劇集《荷里活有個大老千》舉行「時來運轉迎新歲」宣傳。李施嬅劇中在15秒連擺21個誘惑甫士，被網民大讚，她笑說：「係自己諗，前後拍咗兩次，練咗好耐，拍嗰陣都有啲尷尬，自己冇做過咁姣，都豁出去，粉絲話我放低咗形象包袱，好Surprise咁多回響。」

不避嫌見鄧健泓

提到好姊妹胡杏兒再有喜，她笑說：「Baby Lee實在太得意，佢聽到Jazz會自己跳舞，好有音樂細胞，我哋都好想見到佢，所以唔夠分，希望杏兒生多幾個，佢好生養。（你自己生？）同邊個生？話生就生咩！工作都好忙。不過，我諗我會生嘅，但唔係豬BB。」

另有指她因「定情狗」而不時與舊愛兼人夫鄧健泓見面，李施嬅指養狗是終身承諾，兩人不願假手於人，故會抽時間照顧，並強調與鄧健泓夫妻也是朋友。

陳雅思拒拍不雅片

此外，最近網上流傳不雅短片，陳雅思被誤認是女主角，問到可有不快？她說：「冇唔開心，因為知道唔係我，反而戥嗰位新加坡女仔唔開心，啲片再畀人攞番出嚟。」被問情到濃時可會拍片？她說：「唔會，冇呢個興趣，女仔需要保護自己。」

眾女齊齊擺誘人甫士，場面搞笑。

文凱玲（左）和陳雅思獲讚表現不俗。