柳妍熙 買桃花催姻緣

歌手柳妍熙去年榮升練習生培訓學院的「校長」，工作方面有新發展，但感情依然未有着落，故趁新年來臨，她特意去花墟買桃花，祈求姻緣旺盛！問到是否趕住搵個真命天子？她笑說：「我諗每一個女仔都想嘅，希望好攰嘅時候隔籬可以有個男友照顧自己！有時見到朋友拍拖，而我就做『電燈膽』做咗好多年，所以希望搵到一個鍾意又傾得埋嘅男仔。」又笑言家人催拍拖：「佢哋比較婉轉，會講邊個同學點樣，叫我都要加油，我就話等我搵到個男仔先啦！（佢哋會唔會介紹男仔畀你？）都有，但通常我都唔會參加，因為好忙，同埋覺得緣分係需要自己遇到，眼緣好緊要。」