腎衰竭剩一成功能 吳耀漢：每日洗4次肚

藝人吳耀漢、洪金寶、林敏驄及莊端兒等前晚出席賀歲片《如珠如寶》首映禮，患腎衰竭的吳耀漢透露兩周前接受手術，剛剛洗完傷口前來撐場：「之前做咗個『洗肚』（腹膜透析）手術清除毒素，依家身體有啲虛弱，要習慣肚裏面有條膠喉『浪吓浪吓』。每日要洗四次肚，每次一個鐘。」又稱兩個腎只剩餘十分一功能，問到有否考慮換腎？他說：「年紀太大，洗肚呢個方法係最安全。」
吳耀漢
吳耀漢

而該片導演林敏驄表示拍攝時不知吳耀漢身體有問題：「我哋完全唔知，仲安排動作戲畀佢。（佢帶病撐場好有心。）原本尋晚通告冇佢o架，但後來佢個仔同老婆陪佢嚟，真係好多謝佢，希望佢快啲康復。」

林敏驄與莊端兒合照時整古做怪。
  • 林敏驄與莊端兒合照時整古做怪。