吳君如撩嘟嘟開戲
五位影后鄭裕玲（嘟嘟）、吳君如、毛舜筠、葉童和羅蘭昨日出席尖沙咀星光大道正式重開典禮，獲邀進行打手印儀式。君如就爆毛舜筠問她：「第二時佢個『位』喺邊？」毛毛即笑說：「我怕喺你隔籬。」君如笑道：「我係講打手印個位呀！」引來全場爆笑。
嘟嘟受訪時稱參與這次活動感覺別具意義，與四位女星都曾合作，又表示榮幸能夠參與香港電影光輝年代。君如亦說：「見到啲手印就好似同學會畢業簽紀念冊，好多祝福，睇到毛管戙。」她又自言是現今新浪潮導演，嘟嘟即說：「你係？」君如笑說：「搞錯！你唔知咩！我正籌備新片。」又打蛇隨棍上請對方再拍戲，嘟嘟笑言：「睇你拍完出嚟成績點先啦！」