33歲歌手鍾舒祺與年長三歲的本地樂隊Ever成員李恒韜拍拖四年多，感情相當穩定，日前二人正式入紙排期註冊結婚，其擬結婚通知書曝光，男方職業報稱音樂人，鍾舒祺則報稱藝人，二人報住大角咀同一地址。
對於妹妹結婚，歌手鍾舒漫表示：「佢哋認識超過十年，希望佢哋將來嘅日子，用夫婦嘅身份繼續走下去。妹妺結婚當然開心啦，佢竟然快過我，但係見到自己個妹有個咁錫佢嘅人喺身邊，自己好滿足。（奉子成婚？）絕對唔係，佢哋諗咗一段時間先決定結婚。」