林秀怡儲銀彈押後婚期

林秀怡狂讚男友又型又靚仔，擺明非君不嫁。

當年投考無綫藝員訓練班的林秀怡（Kirby），讀書時已對做戲好有興趣，她為東網巨星節目「海馬牌床褥特約」《閨蜜睡房》擔任最新一集嘉賓，與主持人李惠儀暢談她的事業和愛情。Kirby說：「喺學校我係活躍分子，一直有參加戲劇學會、合唱團，總之坐唔定嘅活動啱晒我。雖然做藝人收入唔穩定，都有氣餒過，但呢個諗法最多維持一個鐘，其實可以將自己嘅興趣變做工作，我覺得好幸福。」

談起因合作而認識的導演男友，Kirby毫不扭擰，笑着讚對方靚仔，她說：「佢叫我幫手去台灣拍微電影，我咪應承，當見到佢拍嘢時好認真，覺得佢好有型、好吸引。」他們拍拖近兩年，已有老夫老妻感覺：「我哋拍拖嘅日子好平淡，我同佢都唔係點識製造驚喜，平日都係行街、睇戲、食飯。」

不受年齡局限

曾經講過想30歲結婚的她笑言要押後到35歲，早前她為母親醫病花了大筆錢：「我都係體諒佢，都要畀時間佢儲吓錢，費事畀年齡限住自己。」想知道她為男友做過最浪漫的事，以及兩人拍拖趣事，記得本星期五、六、日收睇《閨蜜睡房》！

林秀怡計劃35歲才結婚。

林秀怡與主持李惠儀大談感情事。