密謀與王子築愛巢？鄧麗欣𥄫住台灣樓市
藝人鄧麗欣（Stephy）前晚穿Deep V及露背裝出席國際車展，有投資台式飲品生意的她，直認有開分店的打算：「我哋接受加盟店，依家都傾緊分店嘅地方。（會喺香港開？）希望今年開到。（唔驚香港市場飽和？）任何都飽和，所以會搵啲特別嘅地方，用多啲自己資源，有難度，但希望做到。」
有傳她在台灣睇樓盤，似密謀和台灣男友邱勝翊（王子）築愛巢，她承認有了解各地區行情，但否認築愛巢：「係睇舖嗰陣為咗想知邊一區多啲人流，但冇真正去睇樓。（有置業打算？）冇！係有留意嗰邊嘅樓市，因為八卦想睇。」農曆新年會和男友旅行，但地點保密，如有時間會帶男友見家長。
同場的唐詩詠被問圈外追求者是否賽車好手？她避談：「冇識一個男仔鍾意。」問到新年會否驚親友催拍拖？她說：「從來都冇。（爸爸唔會催？）佢唔敢。」但大爆爸爸曾擔心自己嫁唔出：「不過都唔會問，收收埋埋，係哥哥話番畀我聽，我叫咗爸爸唔好咁擔心。」