劉佩玥睇好黃美棋閃婚
劉佩玥（Moon）與黃美棋因合作劇集《救妻同學會》結成好友，趁新春佳節將至歎美食整豬手，寓意新一年橫財就手！問到豬年大計？美棋說：「唔會話Set定好多計劃，但有好機會就會努力把握做到最好，舊年我好滿意成績，有得拍劇。」去年Moon推出散文相集，她表示會再儲Idea，亦會繼續拍好劇。
感情方面，美棋跟樂隊主音兼主播鍾健威拍拖勁Sweet，Moon估計對方有機會閃婚，但美棋表示豬年不會嫁人：「我信風水，今年唔係好年，可能到牛年就有機會喇！」她又推介Moon這個筍盤，希望好友覓得如意郎君，並為對方經常被指收兵平反：「我哋性格比較男仔頭，同男仔講嘢唔使就住，但就成日被人誤會。」Moon笑說：「我唔收兵o架！成日話翟威廉係兵，梗係唔係啦！佢都唔係嗰個Level！」
男友要畀媽咪過目先
問打算何時結婚派利是？Moon笑言會趁仍可生BB時結婚，但暫時未有對象，問到跟緋聞男友周志文是否仍未發展穩定因此不公開？她說：「唔係公唔公開嘅問題，首先都要帶咗個男仔見媽咪先，之後先會公開，我入行以來冇帶男仔見過家長！」
場地：明記潮館/Barry@relaxdearhk