祖兒親揭謎底我係單身！

前晚容祖兒與好姊妹Twins成員鍾欣潼（阿嬌）及蔡卓妍（阿Sa）出席時裝品牌活動，阿嬌與阿Sa表示會帶同另一半及祖兒去旅行，祖兒謂已計劃中，等她8月完成演唱會後去希臘，問到好姊妹都攜眷，她會否帶伴侶？祖兒說：「哎！我未搵到。（劉浩龍呢？）吓，冇喎，冇咗好耐嘞喎！（之前傳你哋復合？）作為藝人，我覺得我所講嘅每一句說話，每個聲明對任何人都有影響，我一直對自己感情事低調處理，咁你哋問到我，我都好誠實咁同大家講，我依家係單身。」難怪日前她睇完林海峰舞台劇後有感而發表示結婚有排都未到她。

問到會否想盡快找到對象？祖兒說：「呢啲冇得急，我都好享受自己一個人，結婚同戀愛唔一定Must，人生要有多啲經歷，友情佔我好重要位置，感情事隨緣。」據知劉浩龍分手後仍希望箍煲，常在其不公開的IG發功，曾寫上「掛住某人」於網上示愛，但甫文很快就刪除，估計受到某人的壓力！

阿嬌派利是畀阿Sa諗縮數

而早前患有嚴重流感的阿嬌病後首次與阿Sa出活動，表示已退燒但還有幾聲咳：「病咗好辛苦呀，成日不停出汗，要Keep住抹汗。（老公幫你抹汗？）自己抹，佢唔喺香港，咁都好，唔想傳染佢。（有冇詐老公型唔嚟陪你？）哦咗佢兩句。」她表示新年會在台灣過，但過年前會先與老公Honeymoon，問到是否造人之旅？她說：「有菌呀，身體要緊。（喺台灣造人？）你理得我呀！」

阿Sa被問到新年會否去男友屋企拜年？她說：「我有分數啦！（驚唔驚畀人催婚？）唔驚。」又表示雙方家長都已經見過面，新年最鍾意去老闆家拜年及(手豆)利是，阿嬌隨即表示今年會派雙封利是，還諗縮數笑言入兩封100元新台幣給阿Sa。