余德丞口花花撩爆乳王麗嘉
愛騷身材的王麗嘉昨日以運動Bra Top造型出席活動，大騷Big爆上圍，更被同場的運動型男余德丞口花花「調戲」，另外他自爆踩單車曾發生兩次意外！
名模馬詩慧細女王麗嘉昨日偕藝人余德丞及前港隊單車手兼麥明詩緋聞男友胡健燊，出席「瑞士天梭表香港世界盃場地單車賽星級打氣活動」。王麗嘉穿外套但內穿運動Bra Top，大晒健康性感，她謂小時候由爸爸王敏德教踩單車，從沒發生意外。問到平時做運動是否如此性感？她即笑說：「唔係好性感咋喎！（做運動唔會着外套？）好多人都係咁。（你身材好，啲人咪會望？）人哋望都冇辦法。」余德丞即搭訕：「如果着褸會生熱痱。」
Keep爛指甲當警惕
而余德丞表示2、3歲已識踩兩個轆單車，但自爆曾發生兩次意外，小學時在屋企樓下平台踩單車，卻連人帶車衝入泳池，又試過炒車甩手甲的慘痛經歷，他笑說：「炒咗入花槽，搞到隻手指甲就嚟甩，睇醫生時縫番入去，之後到隻指甲甩出嚟，我就Keep到依家，但已經枯爛。」曾於踢波時昏迷送院的他，透露現時可慢慢做番Gym及踩室內單車，但仍未可以落場踢波。
另外，講到麥明詩日前於廣西炒單車拉傷肌肉，問其教練胡健燊可擔心對方行不到？他說：「唔會嘅，冇骨折，過兩、三日踩得番，係心理上問題，可能有陰影。（心痛？）受傷好正常啫！」他又讚麥明詩學習時很勤力，問到可有發展機會？他說：「咁忙冇時間拍拖。」