Dear Jane紅館騷變「火舞間」

樂隊Dear Jane昨日為3月首次紅館騷舉行記者會，主音Tim揀了一張太太楊洛婷在台邊錫他的Postcard送人，他笑言：「嗰陣我哋喺九展開騷，太太錫完我一啖後，下年就生咗BB。」出道14年的他們，曾試過僅得3位Fans現身音樂會支持，Howie表示：「當時覺得好難受，第一個星期淨係賣得7張飛。」並預告今次會玩火，十足「火舞間」：「一定安全，我哋都會買重保險。」至於嘉賓方面有男有女，記者打趣叫Tim太太再在台邊送吻，下年再生B，他笑言：「又得！」