張敬軒撐古天樂冧莊自嘲冇貢獻
「獎王」張敬軒昨日與李幸倪（Gin Lee）、陳柏宇出席首屆「KKBOX香港風雲榜」發布會，並獲頒「十大風雲歌手」，令其樂壇總成績增進至16.5個獎項！另外7位「十大風雲歌手」分別為陳奕迅、容祖兒、楊千嬅、胡鴻鈞、江海迦（AGA）、菊梓喬及組合C AllStar，而「年度新人」則由曾樂彤奪得。
軒仔受訪時笑說：「如果銀行存款每日都係咁就好啦！（你依家都係(0架)！）皮費好重(0架)！」早前軒仔曾表示演藝人協會有意舉辦一個可持續發展兼具認受性的頒獎禮，他坦言會向大會借鏡，續透露演藝人協會幹事成員將於年底重選，他表明支持主席古天樂「冧莊」，因覺得對方為演藝界出心出力，令身為副會長的他自愧不如：「今年都冇咩實際貢獻，自己喺工作業務上都好忙，冇乜參與到都好內疚。（做多屆『還債』？）無論有冇行政角色，都係演藝界嘅一分子兼受益人，有義務全力支持。」
Gin Lee避談戀情
現年31歲的Gin Lee日前被本報踢爆「破Dry」、秘戀富貴男友兼同居西九豪宅，受訪時她沒有否認，僅全程帶記者「遊花園」：「今年想Focus喺事業，喺頒獎典禮講過要低調做人、高調做音樂，所以生活上都好低調。」問到是否怕戀情見光死？她即時扯開話題：「呢幾年都好畀心機做嘢，多謝大家關心！」追問到現時好幸福？她再說：「兒女私情先擺埋一邊，先討論『國家大事』，就係我今年會進軍大中華市場，推出全新國語碟。」講到脫貧住豪宅，她坦言生活比以前好，問到是否自購物業？Gin Lee大反應指：「點買得起呀？（男友買？）唔講呢啲，如果有任何好消息就會同大家講。（如果影到會認？）到時先算！」
