陳婉婷拍MV玩Magic

無綫小花陳婉婷（Hebe）瓣數多多，最近為好友歌手兼魔術師梁家榗（Carson）擔任MV女主角，以往Hebe都有拍MV的經驗，但她直言今次有難度，除了要踩足12小時走勻三個景外，更要挑戰魔術表演：「個MV有好多關於魔術嘅鏡頭，好多位都要一Shot落，所有嘢都要夾得好準，同我之前拍嘅MV好唔同。」
陳婉婷今次拍MV覺得有難度。
陳婉婷今次拍MV覺得有難度。

她又透露最近亦有學習魔術：「Carson就係我師傅，之前都試過同佢一齊表演刀鋸美人。我覺得魔術嘅技巧可能好多人都識，但要做到大家都相信先最難，所以對我演戲都好有幫助。」

陳婉婷、梁家榗一起表演刀鋸美人魔術。
  • 陳婉婷、梁家榗一起表演刀鋸美人魔術。