岑樂怡喊到崩潰又南解救
藝人黃又南夥拍岑樂怡（阿妹）及新加坡視帝陳泂江（Desmond）拍攝ViuTV劇集《已讀不回》。首次做女主角的阿妹壓力甚大，劇中她從Desmond身上看到又南的影子，要分別與兩人對戲，連喊戲都要「Double上」，她笑言：「好多時同Desmond喊完，轉頭跟又南拍同一段喊戲，好多時眼淚唔爭氣，喊到『冇貨』！」
她更拍到幾近崩潰，幸好又南經常提點要適當處理情緒，多次將她從失控邊緣拉回來：「當我喊到收唔到，又南就提我吸氣、呼氣，搞到我好似大肚婆咁！」又南自言亦是「眼淺一族」，當年拍攝電影《香港有個荷里活》時亦陷情緒低谷：「呢部戲拍完好攰，事後有段時間會無端端喊到趴喺地、換換吓衫又喊，自己好清楚喊戲係最辛苦。」