王浩信「呃監坐」 新手Madam馮盈盈型住「塔」犯

馮盈盈有軍師教路，成功演繹出Madam的神髓。

由「視帝」王浩信演出的《極道怪咖》，劇中「七星伴月」的他有七個女朋友，前晚他就與其中一位女友馮盈盈及張振朗一起拍劇。新劇中盈盈演O記督察，而黑社會大佬王浩信為「入冊」探望坐監的兄弟，刻意刑毁警車「呃監坐」，結果Madam出動，以「孖葉」招呼。

用手銬即學即曉

不過，盈盈沒有演女警經驗，亦從未有機會接觸手銬，所以演出時有點生硬，浩信說：「盈盈第一次用手銬，但又要用得有啲技巧，佢練習咗幾次，好快就Pick Up到！」盈盈亦說：「我都係第一次用手銬，要有型又利落咁去『塔』個犯，但我笨手笨腳，真係有啲難度。好彩現場有浩信、振朗同導演幫我，教我點樣有型演繹，振朗仲啱啱拍完《機場特警》，真係成個警察咁，佢哋好有耐性咁包容我，最後我真係拍到一個好型嘅Take，連現場做顧問嘅真正警察都拍手讚好，話我好似一個真正嘅Madam！」

Madam上身的馮盈盈，騷Pass拉王浩信。	馮盈盈即場學曉用孖葉「塔」王浩信！	張振朗是幕後軍師之一。