梁諾妍護洪永城絕非第三者

藝人洪永城（Tony）早前被本報踢爆秘撻長腿女模梁諾妍（Inez），Inez昨日接受本報專訪，坦言與男友拍拖數月，沒想過這麼快公開：「諗住大家再了解多啲先公開，所以見到記者嗰時有啲手足無措，不過佢好保護我。（佢讚你有好多優點！）我都受寵若驚，多謝佢，佢係好細心嘅人。（佢為你買樓，準備結婚？）唔係為我，佢投資啫，係樓花嚟。」她表示雙方以工作為先，目前關係很好，雖然男友忙於拍劇，但有保持電話聯絡。