蔡卓妍激戰台仔：佢摸我硬繃繃！

阿Sa在《非》片飾演與丈夫性生活不協調，導致婚姻破裂的中女，碰上飾演廚師的台灣演員吳慷仁後引發激情！兩人的情慾戲在廚房發生，她坦言：「場戲接近中尾段先拍，成套戲拍咗一個月，我放得一日假，但都攞埋嚟幫呢場戲試位。廚房環境逼、好臭，我要瞓喺鐵櫃面，覺得冷冰冰，工作人員幫我嘅重要部位黐晒膠紙，硬繃繃嘅，相信佢摸我都冇感覺！大家零尷尬，因為都只係想盡快完成拍攝，唔想再受罪！」

抗拒裸露鏡頭

原來阿Sa當初接觸《非》片劇本，是剛巧拍竣《雛妓》，她坦承曾推卻：「唔想咁短時間又再演類似嘅片種，加上當初導演要求有裸露鏡頭，中國人嘅世界，我衝破唔到，導演後嚟用咗好長時間再修改劇本。」如今「製成品」意識依然大膽，問會否讓男友石恆聰入場觀看？她大方說：「佢睇好多戲o架，又喺外國長大，點解唔敢？（叫佢去首映？）咁又唔得，太多記者，佢自己買飛睇啦！」

讚另一半夠安穩

談到今次演出備受關注，有可能入圍角逐金像獎影后，阿Sa卻謙稱：「得唔得獎隨緣啦，咁我梗係想喺自己成長嘅地方獲得肯定嘅。（攞獎就宣布結婚？）唔會啦！講到咁遠嘅？不過我細個嘅時候，身邊嘅同輩志願係選港姐，我嘅志願就係做香港嘅好演員。」整個訪問她都表現從容，問到是否受另一半影響，她放閃說：「係o架！我哋來自兩個好唔同嘅世界，呢行刺激，我需要一個安穩嘅空間，佢真係畀到我。」

吳慷仁與阿Sa在廚房挑起慾火。

阿Sa有望憑新片角逐金像獎影后。

髮型：Jove Shek@La MÔd Salon

化妝：Yannes Lee@Ndnco.co

場地：英皇駿景酒店