陸浩明叫錯女友做肥媽
藝人陸浩明（6號）與模特兒女友陳詩欣（Ayan）昨日情侶檔現身活動，6號之前在節目上自爆試過不小心將女友叫錯Mayanne（麥美恩），他坦言：「我覺得好過意唔去，因為佢哋好唔同，各有各靚，但Mayanne就內在多啲。」他又笑指會將女友叫錯做Do姐（鄭裕玲）及肥媽。
兩人感情穩定，問是否好事近？6號即時將結婚推在樓巿上：「我好傳統，想買到樓先結婚，畀首期都要六、七位數，先置業後談婚，女友有啲要求。」問到Ayan是否非君不嫁？她自言：「唔係，我有好多選擇。（改咗叫錯名嘅習慣先？）係囉！」6號笑指以後見到Mayanne都會叫Ayan。