張曦雯被批遲婚真命天子未蒲頭

藝人張曦雯昨日到西環出席賀年活動，即場設計利是封及整炮仗裝飾，談到過豬年，她希望事業愈來愈好。至於桃花方面，她指相士指她會遲婚，她說：「起碼30幾歲，但我依家28咋！（以前影到嗰啲呢？）只係桃花，唔係真姻緣，相士話真命天子未出現，暫時冇咁嘅（結婚）衝動。」
張曦雯會加碼派利是，務求人人開心。
張曦雯會加碼派利是，務求人人開心。

由於狗年事業猛進，她坦言今年派利是會「加碼」：「去年冇乜諗（派利是），今年會見人就派，會多好多，開心事嚟。（畀大利是父母？）呢個唔記得咗，諗諗先。」父母今年「移船就磡」返港陪愛女過年：「我哋差唔多8、9年冇一齊喺香港過年，咁啱拍完《飛虎之雷霆極戰》，可以有幾日陪吓佢哋，不過緊接我又開劇，而佢哋就會留港一個月。」

張曦雯與小朋友感受新年氣氛。
  • 張曦雯與小朋友感受新年氣氛。