G.E.M.收節目組指示髮色不能誇！
在內地人氣火紅的歌手G.E.M.（鄧紫棋），對於內地實施連串限制令，藝人如有紋身、染髮等都受管制，最近甚至傳出「限娘令」，男藝人不得戴耳環，G.E.M.坦白說：「我戴耳環應該沒有影響，但之前有收到指示髮色不要太誇張。」而樂壇Band友黃貫中近年也多返內地表演，去年更與太太朱茵攜囡囡黃鶯參與內地真人騷節目，他說：「冇聽過『限娘令』，可能我未練到咁娘，係咪(o架)？娘係好難定義，我冇乜問題。」
馬天佑犯三禁照搵人仔
而藝人馬天佑染上粉紅色頭髮參加內地綜藝節目，節目播出時被「P」成黑髮，他說：「上年參加拍攝時我頭髮係粉紅色，出街畀人P到黑髮，覺得好好笑，拍攝時冇話限制，可能擺得太耐先播出，其實自己都犯咗『限娘令』三禁，包括戴耳環、紋身同染粉紅色頭髮。」他又表示有關方面知道他有紋身，會叫他穿長袖衣服遮掩，他日後亦會自備黑色噴髮劑才到內地工作。