「長腿女神」陳敏之於本月17日踏入40歲，日前她舉行生日會，一班圈中好友陳山聰、袁偉豪、胡杏兒、伍詠薇、黃長興及梁競徽等應邀出席，壽星女設定女士們的Dress Code是Bling Bling閃爆服裝，男士們則要扮特務007，個個都又靚又型，敏之說：「我自己嘅服裝都係Bling，頭都閃埋，至於有啲女仔着西裝，因為佢哋搵唔到Bling Bling衫，索性反串做男仔！今次好開心，好多好朋友嚟咗，囝囝病完冇耐，我都啱啱病好，生日願望係身體健康同埋做多啲喜歡嘅嘢。」踏入40歲，敏之直言是很值得紀念的日子，自言要更有自信，愈來愈靚。

此外，敏之的粉絲每年都會為她舉行生日會，今年就連陳媽媽都有出席，齊齊分享喜悅。而正日生日適逢囝囝雷子樂考入學試，未能慶祝，故提早搞派對。