「大家有100個理由離開」 學友感謝歌迷不離不棄

「歌神」張學友在紅館的演唱會正進行得如火如荼，他承認回歸香港主場開騷，緊張得「老人病」爆發。前晚他在個唱中感謝歌迷對他不離不棄，有感而發說：「2000年時候因為技術唔好，曾經有失聲時候，大家都冇離開過我，我先可以今日喺度再為大家表演，其實中間經過好多嘢，我相信大家絕對有100個理由離開張學友，衷心多謝你哋支持，一路畀機會我去做自己鍾意嘅嘢，我會繼續努力為大家帶來更好嘅表演。」