連詩雅撻着馬貫東 拖手等咀
連詩雅在新劇中與馬貫東有感情戲及咀戲，自嘲是新丁的她，笑言要慢慢學習，馬貫東亦指跟她拍咀戲大感緊張。而林文龍與黃翠如分別飾演單親家庭父、母親，幸而翠如與小朋友演戲有經驗。
藝人連詩雅與馬貫東昨日拍攝無綫劇集《致所有愛過的人》，二人在海邊拍攝拖手談情戲，劇中馬貫東患有亞氏保加症，不懂交際，更如「暖男」一樣，對每個女仔都好好，連詩雅就不時勸他不要這樣。
二人首次合作，相識未夠三星期就要拍談情戲，幸而現時大家開始熟落，才有了默契。連詩雅對上一次拍劇是《使徒行者》，而今次戲份較多，她笑說：「我係新丁，好多嘢都唔識要慢慢學，所以都有啲唔好意思。」馬貫東亦表示二人之後會有咀戲，故要慢慢溝通，他坦言：「我都緊張，因為始終拍談情戲經驗比較少，依家耐咗已經放鬆咗。」
翠如感情戲唔簡單
此外，黃翠如、林文龍及黃嘉樂亦忙於為此劇拍攝，身為主角的翠如和文龍在劇中有感情線，翠如受訪時說：「我同文龍都唔係開咗好多日，因為文龍之前唔喺香港，佢係一個好好嘅前輩，會幫我睇吓點演先會最似個角色，而且今次我同佢唔係簡單嘅感情戲，因為劇情講佢老婆過咗身，有個女，而我老公亦過咗身，我亦有個女，係兩個單親家庭相處，所以好多嘢要學習。」說到做人媽媽，她說：「之前拍《愛我請留言》都有同Celine小妹妹合作，年齡同我呢套劇個女差唔多，總算有經驗，但點做媽媽都要喺角色慢慢學。」而嘉樂在劇中飾演王卓淇哥哥，其後喜歡了翠如。