陳國峰處男個唱 坤坤幫手「賣肉」

《超級巨聲2》出身的藝人陳國峰（Penny），昨日為首個個唱舉行發布會，他表示要多謝《流行經典50年》：「上節目後有好大回響，於是有人搵我開騷，我想請主持薛家燕上台跳十字步。（特別表演？）我由細到大都好鍾意郭富城，想向佢致敬，我會跳唱佢嘅勁歌熱舞，希望搵到佢嘅排舞師Sunny Wong，哈哈！（請郭富城嚟睇？）我都想，試過搵但未必得，佢可能太忙！（騷肌？）如果大家想睇，我可以除！」並透露一眾《兄弟幫》主持也會上台助陣。