黎耀祥舉家出巡 21歲仔篤電話解悶
向來重視家庭的視帝黎耀祥，經常被拍得一家三口外出，昨午4時許，剛完成新劇的他趁不用開工，又再孖太太Julia及21歲囝囝黎正橋出巡，到中環名店Shopping。
當祥仔在男裝部揀衫時，太太全程在旁幫眼，寸步不離，而囝囝則不停玩電話。未幾祥仔睇中一件卡其色長褸，即試上身埋鏡照，店員在旁給予意見，試完一輪似乎不合心水，最終齋試冇幫襯，然後拖住太太離開，囝囝則繼續電話不離手。發現記者拍照，祥仔笑笑口打招呼，並表示與家人行街，態度友善。
向來重視家庭的視帝黎耀祥，經常被拍得一家三口外出，昨午4時許，剛完成新劇的他趁不用開工，又再孖太太Julia及21歲囝囝黎正橋出巡，到中環名店Shopping。
當祥仔在男裝部揀衫時，太太全程在旁幫眼，寸步不離，而囝囝則不停玩電話。未幾祥仔睇中一件卡其色長褸，即試上身埋鏡照，店員在旁給予意見，試完一輪似乎不合心水，最終齋試冇幫襯，然後拖住太太離開，囝囝則繼續電話不離手。發現記者拍照，祥仔笑笑口打招呼，並表示與家人行街，態度友善。
