蔡一鳳寸利嘉兒幼稚 難做朋友！
名媛蔡一鳳誕下龍鳳胎後首度現身，談到與昔日好姊妹兼伴娘利嘉兒（Lily）關係決裂，她強調二人並不熟稔，處事方式亦不同，難做朋友：「始終我做生意，啲朋友比較成熟。」暗指對方幼稚！她再解釋二人少見面而疏遠，並非不和：「有人問我會唔會請Lily（百日宴及慈善晚宴），我係冇請嘅，亦聽到佢回應話時間點解咁啱，我聽得明個意思。我已經有3間公關公司幫手，唔需要用咁嘅手法宣傳。」
談到3個月大的龍鳳胎，她透露每隔3小時便要起床餵母乳：「依家聰明咗，泵定出嚟畀工人姐姐餵。（老公幫手？）淨係幫手玩，佢每朝都同仔女玩完先返工，唔捨得出街咁滯！做完嘢好早返屋企，個女好嗲佢，仲話不愧係前世情人！我都有一個，大家唔使爭。」她將於周日舉行慈善晚宴，並捐出價值數百萬元的鑽飾及10個名牌手袋作慈善拍賣，更邀得韓國天王Rain來港，聯同陳曉東擔任《同芯慈善晚宴》表演嘉賓。她又請來名模好友陳嘉容（Eunis）義助培訓小模特兒為晚宴行時裝騷，昨日Eunis教授時，蔡一鳳專程去探班。