陳柏宇攬粉絲：老婆都冇抱咁耐

歌手陳柏宇（Jason）前日為新碟《PRESENT》舉行簽名會，抱恙上陣，獻唱完新歌《後排慶功宴》後，就跟主持許文軒說自己「痰上頸」：「做呢份工好難請病假！」期間與粉絲玩遊戲，更與勝出遊戲的Fans玩10秒「愛的抱抱」，他抵死說︰「同老婆都冇抱咁耐。」
陳柏宇指創作靈感來自囡囡。
陳柏宇指創作靈感來自囡囡。

Jason稱因天氣轉變而冷病，為免傳染給愛女Abigail，要自我隔離︰「覺得開始病就冇抱。（忍到唔抱同錫？）有忍唔住想，臨出門口幫佢換片都戴番個口罩，離遠畀佢睇吓我個樣。」又提到新碟收錄了其創作歌，直認音樂靈感來自愛女，可以幻想囡囡將來的愛情故事，但自問中文水準未夠好，故不會參與填詞。

陳柏宇與幸運歌迷「愛的抱抱」。
  • 陳柏宇與幸運歌迷「愛的抱抱」。