驚男友失業馮盈盈幫手供樓

前港姐馮盈盈昨日到旺角家樂坊出席「芝麻開運『型』新春」活動。對於男友近日置業，身為女主人的她有份付首期，問到為何還要幫手供樓？她笑說：「盡量幫手，一陣大吉利是男友失業點算，經濟上有保障，到時斷供咪蝕埋個首期，所以新一年大個女要長進啲，唔可以再吃喝玩樂，要學識理財。」
馮盈盈
馮盈盈

近日有研究樓市的她，笑指已成為專家，被取笑染指財經版兼90後榜樣，她笑說：「我有啲中學同學都開餐廳做生意，所以唔覺得買樓好叻，反而想回饋社會，好似最近贊助麥明詩踩單車。（佢踩到爆粗喎！）唔知，但有男伴一齊都幾開心，希望佢Enjoy旅程。」

馮盈盈與芝麻街公仔鬥擺可愛甫士。
  • 馮盈盈與芝麻街公仔鬥擺可愛甫士。