張敬軒6位數字賀封「獎王」

「獎王」張敬軒於2018年度最後一張成績表再創佳績，四台頒獎典禮共奪15.5個獎項殊榮，成為終極大贏家！他笑稱全因大家「畀面」，超額完成任務：「今年係拎最多獎嘅一年，入行15年拎15.5個獎，但一過咗頒獎典禮就由頭洗牌，2019年會再畀心機，樂壇競爭都好大。（有咩競爭？）啱啱識咗位網絡歌手有高達400萬嘅點擊，主流歌手要更加畀心機！」並透露明日（15日）會在主理的法國餐廳設慶功宴，豪言要自掏腰包6位數字慰勞同事。