樂隊Mr.昨日到電台宣傳暌違兩年的新歌《釋放自己》，成員Tom表示：「今年係Mr.嘅10周年，所以想做番啲嘢紀念。」Ronny則踢爆：「早幾日我哋喺Band房夾緊第二首歌，有個成員，但我唔開名喇，就真係好釋放自己，因為佢飲咗酒，除晒衫褲，得番條好薄嘅褲。」Alan即尷尬笑言：「當事人就操緊自己，呢個係Before，睇吓After佢變成點啦。」又表示現時獨立發展有很大自由度，希望趁10周年一齊開騷。
