林海峰蝦頭搞婚外情？彭羚𥄫實！
藝人林海峰（Jan）、楊詩敏（蝦頭）、潘燦良和禤思敏主演的18場舞台劇昨晚公演，眾演員下午出席拜神儀式。劇中Jan和蝦頭大搞婚外情，問到可有床戲？他笑謂：「有『擁』戲。（扭嚟扭去？）左擁右抱呀！」蝦頭續說有場掙扎戲，自言驚太大力整親Jan，豈料對方要求「嚟真」：「佢話咁先試到個激擁，一嚟真連阿燦（潘燦良）都讚好！」
Jan表示老婆彭羚買了飛支持，問老婆若見到激擁場面會否呷醋？他抵死笑指：「佢見到我冇嘢做就呷醋啦！」提及蝦頭的經理人兼舊愛邵子風，近日自爆右耳失聰，她嚴肅指對方是突然耳仔中風：「係有少少嚴重，佢嘅聽力由0去番1成，都係進展嚟，希望佢快啲好番，佢都會嚟睇，同埋Check咗唔係Cancer，所以都安心。」