恨與麥兆輝合作 克勤：扮路人甲都得

導演麥兆輝與張家輝討論如何拍攝。

責任重大

克勤表示聽完《活埋》後，覺得很貼切電影主題，但同時演繹歌曲國粵語版感責任重大：「以前錄音，只要自己滿意同監製收貨就得，但今次係賀歲片，希望宣傳上可以幫到手，最緊要導演同監製肯收貨，好彩錄音時佢哋冇嚟監場，否則壓力更大。」過往多演正派人物的他，心底渴望挑戰陰暗奸角。

問到可會勾起戲癮？他說：「拍戲可遇不可求，無論演員遇到角色，抑或歌手遇到一首歌，每次都係機會、緣分，我都好期待喺演戲上同麥導演合作，扮棵樹、路人甲都得。佢嘅戲向來有好多警察，有冇啲散仔角色啱我做？」

李克勤	影帝劉青雲（左）與張家輝好戲連場。