金牌經理人李施嬅率小花闖娛圈

於《荷》劇中扮演經理人的李施嬅,坦言開拍前對所有演員感陌生:「真係一個(演員)都冇合作過,亦唔算有交情,但最開心係可以同秦沛合作,佢話我知佢係第一個去荷里活拍戲嘅亞洲人,我覺得佢好叻,分外有親切感。另外,遺憾係我冇得同客串嘅金燕玲鬥戲,恨咗好耐。」

戲中她率領旗下的文凱玲、陳雅思及劉溫馨「勇闖」娛樂圈,三小花負責將60年代紅極一時的蕭芳芳、寶珠及薛家燕「投射」出來:「佢哋三個拍劇嘅經驗唔算多,尤其陳雅思係首次拍劇,我就要好似前輩咁睇住佢哋。好記得戲中我要扮比文凱玲年長10歲嘅姐姐,但實際年紀差唔多,加上又唔使我化老妝,所以都有啲考演技嘅。」